Viñetas do Camiño

Viñetas do Camiño é un proxecto das Concellerías de Turismo e Cultura do Concello de Fene beneficiario do programa O Teu Xacobeo, da Xunta de Galicia. A iniciativa propón unha ollada patrimonial ao Camiño Inglés en Ferrolterra a través da ilustración e as artes plásticas e ten a súa semente no Museo do Humor, un espazo singular e único en Galicia, que fixo do debuxo e o humor gráfico unha seña de identidade de Fene.

Obxectivos xerais

  • Salientar a riqueza do Camiño Inglés a través das ilustracións de artistas plásticos recoñecidos e emerxentes.
  • Promover o diálogo entre os ilustradores cara a establecer liñas de colaboración con artistas doutros países e comunidades na difusión do Camiño.
  • Poñer en valor o Camiño Inglés como fonte de inspiración para a creación artística.
  • Divulgar o patrimonio da ruta entre a mocidade e a poboación escolar.

Obxectivos específicos

  • Promocionar Fene e a comarca como destinos de turismo cultural.
  • Implicar á poboación de Ferrolterra na promoción da ruta ao seu paso pola comarca.
  • Apostar por unha nova fórmula de difusión do Camiño a través das ilustracións.
  • Recompilar as historias e vivencias do Camiño Inglés nos “Cadernos de Viaxe” dos ilustradores.
  • Fomentar o encontro entre peregrinos e veciñanza.

O proxecto consta de diferentes actividades de nova creación que podedes coñecer máis polo miúdo nestas ligazóns: