O proxecto Viñetas do Camiño, que desenvolve o Concello de Fene co apoio do programa O Teu Xacobeo da Xunta de Galicia, ten tamén unha vertente de integración. Así, o Centro Ocupacional de Aspaneps está a desenvolver no marco desta iniciativa, e baixo o título «Pintamos o Camiño», un mosaico e un cubo no que se reproducirá o trazado do Camiño Inglés ao seu paso por Ferrolterra.
Un grupo de usuarios e usuarias do centro está a traballar xa neste traballo creativo, cuxo resultado será colocado diante da Casa do Concello de Fene. Os participantes na iniciativa teñen a oportunidade de desenvolver a súa creatividade e habilidades artesanais, ao tempo que se achegan aos valores do Camiño Inglés.
Compartimos algunhas imaxes do proceso.
